28 мая 2021г. митрополит Уфимский и Стерлитамакский, своим распоряжением за №104 (подобные же распоряжения изданы и в других епархиях Башкортостанской митрополии) благословил совершать в храмах и монастырях ежедневно совершать молебные пения о дожде и прилагать соответствующие прошения и молитвы на Божественной литургии***:
НА ПРОСКОМИДИИ:
Господи Иисусе Христе, Боже наш! Приими жертву сию в оставление грехов всех нас, недостойных рабов, и всех людей Твоих, и отврати гнев Твой праведно движимый на ны, и не умори гладом и жаждою люди Твоя и скоты: милостивно повели облаком небесным низпустити земли дождь благ, ранен и позден, и оросити ю, во еже прозябати и возрастити траву скотом и злак на службу человеком, и плодоносити потребеная житию нашему.
НА МИРНОЙ ЕКТЕНЬЕ
О еже не помянути беззаконий и неправд людей своих, и отвратити от нас весь гнев Свой, праведно движимый на ны, и не уморити нас гладом и жаждою, Господу помолимся.
О еже благорастворенныя воздухи и дожди благовременныя, к плодноношению послати земли и людем Своим, Господу помолимся.
О еже во гневе Своем не погубити люди Своя и скоты, но повелети облаком свыше одождити, и к плодоношению оросити землю, Господу помолимся.
О еже повелети земли прозябати плоды на веселие и пищу людей своих, и злак в службу человеком, траву же скотом, Господу помолимся.
ПО ВХОДЕ
ТРОПАРЬ, глас 2
Воздуха благорастворение / повелением Твоим, содеваяй, Господи, / вольный дождь даруй земли, / еже приносити людем Твоим плоды изобильны, / и насыщати всякое животно Твоим благоволением,/ молитвами Богородицы, и всех святых Твоих.
КОНДАК, глас 6
Всех Творца и Зиждителя, / и благих Дателя, Тя сведуще, Господи, / к тебе припадаем и прилежно молим: / пощади, Милосерде, и прости, яко Благ, беззакония наша, / и настоящего праведнаго гнева избави рабы Твоя, / подая, яко Благ, жаждущей земли благополодныя дожди,/ яко един многомилостив.
Слава: и ныне: Предстательство…
ПРОКИМЕН, глас 4: Бразды ея упой, и умножи жита ея. Стих: В каплях ея возвеселится возсияющи.
АПОСТОЛ (в Соборном Иаковлем послании — 5:7-9, 17-18):
Братие долготерпите до пришествия Господня. Се земледелец ждет честнаго плода от земли, долготерпя о нем, дондеже приимет дождь ран и позден:долготерпите убо и вы, утвердите сердца ваша, яко пришествие Господне приближися.Не воздыхайте друг на друга, братие, да не осуждени будете: се, судия пред дверьми стоит. Илиа человек бе подобострастен нам, и молитвою помолися, да не будет дождь, и не одожди по земли лета три и месяц шесть: и паки помолися, и небо дождь даде, и земля прозябе плод свой.
АЛЛИЛУИЯ, глас 8: Благословиши венец лета благости Твоея, Господи, и поля твоя насытятся тука. Стих: Разботеют красная пустыни, и радостию холми препояшутся
ЕВАНГЕЛИЕ (МФ 16:1-3; ЛК 4:24-26; ИН 6:30-33)
Во время оно приступиша к Иисусу фарисее и саддукее, искушающе просиша его знамение с небесе показати им. Он же отвещав рече им: вечеру бывшу, глаголете: ведро, чермнуетбося небо: и утру: днесь зима, чермнуетбося дряселуя небо. Лицемери, лице убо небесе умеете разсуждати, знамений же временом не можете искусити. Аминь глаголю вам, яко ни который пророк приятен есть во Отечествии своем: поистинне же глаголю вам: многи вдовицы беша во дни илиины во Израили, егда заключися небо три лета и месяц шесть, яко бысть глад велик по всей земли: и ни ко единей их послан бысть Илиа, токмо в Сарепту Сидонскую к жене вдовице. Реша же ему: кое убо ты твориши знамение, да видим и веру имем тебе? что делаеши? отцы наши ядоша манну в пустыни, якоже есть писано: хлеб с небесе даде им ясти. Рече убо им Иисус: аминь, аминь глаголю вам, не моисей даде вам хлеб с небесе, но Отец мой дает вам хлеб истинный с небесе: хлеб бо Божии есть сходяй с небесе и даяй живот миру.
ПРОШЕНИЯ на СУГУБОЙ ЕКТЕНЬЕ
Не хотяй смерти грешанаго, но ожидаяй обращения и покаяния его, услыши нас грешных в покаянии молящихся Ти ся, и милостивно простив вся согрешения наша, услыши и помилуй.
Возводяй облаки от последних земли, и молнии в дождь сотворивый, повели тем испустити дождь мирен, и росу плодоносную на землю, со слезами молим Ти ся, я ко благ, скоро услыши, и милостивно помилуй.
Одеваяй небо облаки, и уготовляяй земли дождь, ороси землю обилием благословения Твоего, Благоутробный Человеколюбче, и низпосли нам богатыя милости Твоя, молим Ти ся, услыши и помилуй.
Возсияваяй солнце на благия и злыя, и одождяяй на праведныя и неправедныя, призри на ны благосердно, и умножи семена, и плоды земныя благостию Твоею, молим Ти ся, услыши и помилуй.
Прозябаяй траву скотом и злак на службу человеком, напой бразды земли и умножи жита ея, и спаси человеки и скоты, молим Ти ся, услыши и помилуй.
Одеяйся Светом яко ризою, на Высоких живый, и на смиренныя призираяй Боже! Призри благоутробно на люди Твоя, прогневовашия Тя, и человеколюбие твое раздражившия, и яко благосерд, пощади достояние Твое, и овцы пажити Твоея, и милостию и щедротами посети виноград, егоже насади десница Твоя, — в сокрушении сердца смиренно молим Ти ся, скоро услыши и милостивно помилуй.
МОЛИТВА по СУГУБОЙ ЕКТЕНЬЕ
Владыко Господи Боже наш, послушавый Илию Фесвитянина ради ревности его о славе Твоей, и во время посылаемому земли дождю удержатися повелевый, таже паки молитвою его дождь плодоносный ей даровавый: Сам, Владыко всех, от самаго Твоего благосердия умоляемь, дождь волен даждь наследию Твоему, и согрешенная наша презрев, дожди Твоя низпосли на требующая и просящая места; возвесели лице земли, нищих ради людей Твоих, младенцев, и скотов и иных всех творений Твоих, понеже все от Тебе чают получати пищу во благо время. Ты бо еси наш Бог, Бог милующий и спасющий, и Тебе славу возсылаем, Отцу и Сыну и Святому Духу, ныне и присно и во веки веков, аминь.
ПРИЧАСТЕН:
Дождь волен отлучиши, Боже достоянию Твоему, и изнеможе, ты же совершил еси е. аллилиуия.
перепечатано из: Иерейский молитвослов. Синодальная типография, 1900г.